Дав би вам Бог здоров‘я за вірш про тересву

На Тересовськум базарі,
Чилядь галаманит.
Кось пришов дашто продати,
Аж-му поталанит.

Межи горы хмары впали,
Вербами розчахат;
Дивлю цімбор Тересв`янськый,
Вже руков ми махат.

Кось пришов щось прикупити,
Кось попити пива...
Туй низтого нагле так,
Зачалася злива.

Дождь студеный льопонит,
Тай погода смутна...
Видко в Рахові пыршит,
Тиса ґаламутна.

Уп`єме по погарови,
По пуд шириньовков,
А пак пуйдеме потихы,
Йськати ширпиньтьовку.

Маю біґлі тай теґані,
Чибря тай канчовы,
Дав бым оптом най берут,
Щей два чінґітьовы.

Поголовникы зубила,
Збрую і дяпловы;
Щей старі до дерева,
Дідовы дяловы.

Повный мотор барахла,
Най лиш кось купує.
За такый ипный товар,
Ніґда низбанує.

Звонит моя ми жона,
В Буштині погода...
А Тересву мочит лячно,
Дождьлива негода.

На Тересовськум базарі,
Нині динь скупинькый,
Но для мене з цімборами,
Вдався веселинькый.

Нибіда що-м низпродав:
Буде й друга днинка.
Заото із цімборами,
Была вня гостинка.
Иван Бинячовськый.
06.02.2016г.

Цiмбор пересночи звiдат
Буде в Нересници базар
Гiя го, так як хлiба
На увись Тирисюськый квартал

Играла гитара, та стала
Просто ся врвала струна
То ся душа здогадала
Стрiтiня, тыждiнь минав

Встрiтити ся с цiмборами
Мало зайти на "валув"
Пиво там iз шашлыками
Пасуе, кой д водi канчув

Ко в Нересници ни знае
Ко за базар тот ни чув
Рiка бы тичи перестала
Вбы ся базар не зыйшов...